1848 මාතලේ පොදු ජන අරගලයේ 174 වැනි ගුණානුස්මරණය ඊයේ (24) මාතලේ දී

ඊයේ දින එනම්, 2022 අගෝස්තු මස 24 වැනි දින මාතලේ දිස්ත්‍රික් ලේකම් කාර්යාලය මගින් සංවිධානය කරන ලද1848 මාතලේ පොදුජන අරගලයේ 174 වැනි ගුණානුස්මරණය උත්සවය මෑතකදී විවෘත කරන ලද එහි නවීනතම ශ්‍රවණාගාරයේදී ඉතා අභිමානවත් අයුරින් පැවැවිණි.

එහිදී මෙම අවස්ථාවට මාතලේ පුරාවිදයා කාර්යාලයේ පුරාවිද්‍යා නිළධාරියකු වන පූජ්‍ය හොරොව්පතානේ අමිත හිමියන් ද අතිරේක දිසාපති චමරි අතපත්තු මහත්මිය ( ඉඩම් ) , සහකාර අතිරේක ලේකම් සම්මානී විජේසූරිය මහත්මිය ,
දිස්ත්‍රික් සංස්කෘතික නිළධාරිනී සුභාෂීණී පෙරේරා මහත්මිය ඇතුළු සමස්ත දිස්ත්‍රික් ලේකම් කාර්යාලයේ නිළධාරීන් හා නිළධාරිණියන් ද,මාතලේ පුරවරයෙන් ජාතික තලයට බිහිකරන ලද ප්‍රකට සාහිත්‍යකරුන් දෙදෙනකු වූ සම්මානීය කෘතහස්ත නවකතාකරු පියදාස වැලිකන්නගේ මහතා ද හිටපු ගුවන් විදුලි ප්‍රවීණ සන්නිවේදකයකු හා ප්‍රකට නවකතාකරුවකු වන චූලාභය ශාන්ත කුමාර හේරත් මහතා ද තවත් ලේඛක ලේඛිකාවන් ද, ජනමාධ්‍යවේදීන් ද , මාතලේ ශාන්ත තෝමස් විද්‍යාලය නියෝජනය කරමින් පැමිණි පාසැල් දරුවන් ඇතුළු ගුරුභවතුන් ද සංඝමිත්තා බාලිකා විදුහල නියෝජනය කරමින් පැමිණි දියණියන් ඇතුළු ගුරුභවතුන් ද ජේෂ්ඨ පුරවැසියන් ඇතුළු පොලිස් නිලධාරියෝ ද මෙම උත්සවයට සහභාගි වූහ. මෙම අණුස්මරණ උත්සව සභාව මෙහෙවන ලද්දේ මාතලේ දිස්ත්‍රික් ලේකම් කාර්යාලයේ ප්‍රවෘත්ති නිළධාරී හා කවියකු හා කෙටිකතාකරුවකු වන ගාමිණී නිශාන්ත කරුණාරත්න මහතා විසිනි.

මෙම අනුස්මරණ උත්සවය සෑම අංගයක්ම ඉතා මැනවින් සංවිධානය කර තිබුණු අතර මා එහි දුටු විශේෂතම ලක්ෂණය නම්, කිසිදු දේශපාලනඥයකු සහභාගී කර නොගැනීමයි. මෙය වඩාත් කැපී පෙනෙන්නේ රාජ්‍ය පරිපාලන ආයතනයක මෙවන් කටයුත්තක් දේශපාලඥයකුගෙන් තොරව සංවිධානය කර තිබීමයි. මෙය අප කාගේත් නොමඳ ප්‍රසංෂාවට ලක්විය යුතු කාරණාවක් වන අතර එය අනෙකුත් රාජ්‍ය ආයතනවලට ද අනගී පූර්වාදර්ශයක් සපයන්නේ ය.

මෙහි ඡායාරූප මාතලේ දිස්ත්‍රික් ලේකම් කාර්යාලය ප්‍රවෘත්ති ඒකකයේ සාදර අනුග්‍රහයෙනි.

පූජ්‍ය ඇතිපොළ මංගල හිමි