දුටු පමණින් නිවැරදිම නිගමන වලට එළඹිය නොහැකි සිද්ධීන්ගෙන් ලෝකය පිරී ඇත

යම් අයෙක් කිවූ පමණින් හෝ ඔබ එය දුටු පමණින් නිවැරදිම නිගමන වලට එළඹිය නොහැකි සිද්ධීන්ගෙන් ලෝකය පිරී ඇත. ඔබ ඒවා තේරුම් ගැනීමට නම් ඔබ ඒවා නිවැරදිව කියවිය යුතුමය.

සිමෝන් සහ පේරෝ Roman charity

ඓතිහාසිකව අතිශය සංවේදී යම් මානුෂික ක්‍රියාවලිවලියක් කාලයත් සමග ඉදිරියට යන විට ඊට නව හැඩයක් සහ නව අර්ථකථනයක් දෙමින් නැවත නැවතත් . නිර්මාණය ද ප්‍රති නිර්මාණයද වේ. අප දකින මේ සිමෝන් සහ පේරෝ නැමති කතාන්දරයද එවැන්නකි.

ක්‍රි.වර්ෂ නමවැනි සියවසේ ඉතාලි ඓතිහාසික කතාන්දර කරුවෙක් වු වැලේරියස් මැක්සිමස් සිය ‘On piety towards parents’. නැමති කෘතියේ රෝමයේ සිදුවූ එක් සංවේදී කතාවක් ලියා තැබුවේය. ක්‍රි.වර්ෂ පළමු වැනි සියවසේ රාජ ද්‍රෝහි වරදකට සිමෝන් නැමති වයසක මිනිසා නිරාහාරව මරණයට පත්කරණු පිණිස පොම්පේ නුවර සිර ගෙයක අදුරු කුටියක යදම් වලින් බැද දමන ලදී.

ඔහුට සිර ගෙදර මුලෑදෑනින් ආහාර කිසිත් නොදුන් අතර ඔහු සෙමින් සෙමින් මිය යමින් සිටියේය. මිය යමින් සිටි මේ මිනිසා බැලීමට දිනක් ඔහුගේ දියණිය පේරෝ පැමිණි අතර පසුව ඇය සෑම දිනකම උදෑසන සහ සවස් වරුවෙිද සිය පියාණන් බැලීමට ආ අතර ඇගේ යමි ක්‍රියාවක් සිර ගෙදර පාලකයාගේ අතට අසුවිය. එනමි ඇය ඇගේ පියයුරු තුඩු තම පියාගේ තොල් මත තබා ඔහුට ඉන් කිරි උරා බීමට සැලස්වීමයි.

මෙය සිර ගෙදර පාලකයා අධිරාජයාට දැන්වු පසු මේ අතිශය මානුෂික බැදීම හේතු කොට අධිරාජයා තම සිරකරුවා නිදහස් කලේය. එම ක්‍රියාව පළමු වරට පොම්පේ නුවර බිත්තියක සිතුවම් කර තිබුනේ නම සටහන් නොවු සිත්තරෙක් විසිනි.

පළවන සියවසේ සිදුවූ මේ සිදුවීම රෝම අධිරාජ්‍යයට වඩා ක්‍රිස්තියානි පල්ලිය බලවත් වු සමයක තම ආගමට මානුෂික මුහුණුවරක් දීම සදහා එය නව වටයකින් පල්ලිය විසින් සමාජ ගත කරන ලදී . පල්ලිය එකළ රෝමයේ විශිෂ්ඨම සිත්තරුන් ලවා මෙි සිද්ධිය සිතුවමට නැගීමට ඔවුන්ව පොළඹවාලු අතර 1600 දි බෙල්ජියම් සිත්තරෙක් වු Paulus Moreelse ගේ සිතුවම වඩා ජනප්‍රිය විය. 1612 දී තම මිතුරාවු පෙට්‍රෝ රබීන්ස් දැකීමට රෝමයට පැමිණි පසු තම මිතුරාගේ එම සිතුවමම පෙට්‍රෝ රබින්ස් නැවත ප්‍රතිනිර්මාණය කළේය. මෙහි දකින්නේ එම මිතුරන්ගේ සිතුවම් ද්විත්වයයි. අණතුරුව යුරෝපයේ විවිධ චිත්‍ර ශිල්පීන් විසින් 1600 සිට 1700 දක්වා මෙම සිද්ධියට නව අර්ථකථන දෙමින් නව හැඩයකින් සිතුවම් නිර්මාණය කිරීමට පටන් ගත් අතර ඒවා පසුව පේරෝගේ කුඩා බිළිදාද ඇතුලත් සිතුවම් විය.

ක්‍රි.වර්ෂ 9 වැනි සියවසේ සිට මෙම කතාන්දරය හුවා දක්වන සිතුවම් 100 කට වඩා ලොව සුප්‍රකට චිත්‍ර ශිල්පීන් සිත්තමට නගා ඇති අතර මෑත කාලයේ මෙය නැවත වටයකින් 2010 වසරේ සමාජගත කිරීමට රුසියානු කලාකරුවෙක් සමත්විය..

Max Sauco ඔහු එය ප්‍රතිනිර්මාණය කලේ ඡායාරූපයක් මගිනි. එහෙත් එය ඓතිහාසික කතාවේ ඉසිඹුවෙන් මිදී වඩා ශෘගාරාත්මක හා කාමුක ඉරියව්වකින් වෙනස් මානයක් කියවන්නා වෙත ඉදිරිපත් කරයි. ඒ ඔහුගේ දැක්මය.

උපාලි ජයසිංහ

සබැඳි

8 Comments

  1. Patients with cryptorchidism or its absence according to the imaging studies conducted at the initial presentation were excluded. clomid for sale 50 mg In Italy, all international students are entitled to the same financial assistance services as Italian students based on same requisites of financial means and or merit.

Leave a Reply

Your email address will not be published.