ඉන්දියානු සමාගම් රුසියාවෙන් කරන මිලදී ගැනීම් වලට චීන යුවාන් වලින් ගෙවයි

ඉන්දියාවේ ප්‍රධාන පෙලේ සිමෙන්ති නිෂ්පාදන සමාගමක් වන අල්ට්‍රාටෙක් සිමෙන්ති සමාගම ඇණවුම් කරන ලද ගල් අඟුරු මෙට්‍රික් ටොන් 157,000 කට ගෙවියයුතු මුදල් චීන යුවාන් මුදලින් ගෙවා දමා ඇති බවත් තවත් ප්‍රමුඛ පෙළේ ඉන්දිය සමාගම් කිහිපයක්ම එලෙස යුවාන් ගෙවීමට කටයුතු කර තිබෙන බව විදෙස් මාධ්‍ය වාර්තා කරයි.

රුසියාව යුක්‍රේනය සමග යුද ගැටුමකට අවතීරණය වීමත් සමගම ඇමෙරිකාව මෙන්ම යුරෝපා රටවල් විශාල ප්‍රමාණයක් රුසියාව ට එරෙහිව ආර්ථික සම්බාධක පනවන්නට කටයුතු කිරීමත් සමඟ මෙම තත්වය උදාවී තිබේ.

විශේෂයෙන් රුසියානු ඛනිජ තෙල් සහ ගෑස් මිලදී ගැනීම මෙම රටවල් විසින් අත්හිටුවීමට කටයුතු කිරීම මීට ප්‍රධාන කාරණය වී තිබේ.

එනමුත් යුරෝපාකරයේ ගෑස් සැපයුමෙන් 40% ක භාරයක් දරන රුසියාව තවමත් ගෑස් අපනයනය නවතා නැත.

මේ අතර ආර්ථික විශේෂඥයින් පෙන්වා දෙන්නේ, ඇමරිකානු ඩොලරය වෙනුවට රුසියානු රූබලය සහ චීන යුවාන් මුදල් ඒකකය ශක්තිමත් කිරීම සඳහා චීනය සහ රුසියාව එක්ව කටයුතු කරන තත්වයක් මත ඉදිරියේදී රූබලය සහ චීන යුවාන් තව තවත් ජනප්‍රිය වනු ඇති බවයි.

සබැඳි

Leave a Reply

Your email address will not be published.