වාමාංශික තරුණ නායකයාගේ ජයග්‍රහණය සැමරීමට චිලී ජනතාව වීදි බසිති !

රාජ්‍ය විරෝධී උද්ඝෝෂණ අතරතුර ප්‍රසිද්ධියට පත් වූ චිලී වාමංශික අපේක්ෂක ගේබ්‍රියෙල් බෝරික් අන්ත ජාතිවාදී ජෝස් ඇන්ටෝනියෝ කස්ට් පරාජය කර ඇත. දස දහස් ගණනක් බෝරික් ආධාරකරුවන් සන්තියාගෝහි වීදිවල ඔහුගේ ජයග්‍රහණය සැමරමින් සිටිති.
චිලියේ කොමියුනිස්ට් පක්ෂය ඇතුළු සන්ධානයට නායකත්වය දෙන 35 හැවිරිදි ගේබ්‍රියෙල් බෝරික් මාර්තු මාසයේදී බලයට පත්වන විට චිලියේ ලාබාලතම නූතන ජනාධිපතිවරයා බවට පත්වනු ඇත.
ධනවතුන් හා දුප්පතුන් අතර ලොව විශාලතම හිඩැස් ඇති රටක “සමාජ සුභසාධන” රාජ්‍යයක් ස්ථාපනය කිරීමේ පොරොන්දුව මත ඔහු සිය ඡන්ද සටන මෙහෙයවිය.
“වඩා මානුෂීය චිලීයක්, වඩා ගෞරවාන්විත චිලීයක්, වඩා සමානාත්මතා චිලීයක්” සඳහා වූ ඔහුගේ සැලසුම් ඉරිදා බෝරික් නැවත අවධාරණය කළේය.
නව වාමාංශික නායකයාට බ්‍රසීලයේ හිටපු ජනාධිපති ලුයිස් ඉනාසියෝ ලූලා ද සිල්වා, කියුබානු නායක මිගෙල් ඩයස්-කැනෙල් වම් පසින්ද ආර්ජන්ටිනාවේ ඇල්බර්ටෝ ෆර්නැන්ඩස් කොලොම්බියාවේ අයිවන් ඩුක් සහ ඉක්වදෝරයේ ගිලර්මෝ ලාසෝවැනි දක්ෂිණාංශික ජනාධිපතිවරුන්ගෙන්ද සුබ පැතුම් ගලා ආවේය.
– උපාලි ජයසිංහ

සබැඳි

Leave a Reply

Your email address will not be published.