Great Place to Work 2021 සම්මාන උලෙළේ DHL සම්මාන දිනා ගනී

ශ්‍රී ලංකාව තුළ සේවය කිරීමට ඇති හොඳම සේවා ස්ථාන 40න් එකක් ලෙස නැවත වරක් ෘ්‍DHL Express Sri Lanka ශ්‍රේණිගත කර ඇති බව එම සමාගම නිවේදනය කරයි. සමාගම විසින් 2021 වසරේ පැවැති Great Place to Work® – Sri Lanka සම්මාන උලෙළේ දී රන් සහ රිදී සම්මාන දිනා ගනු ලැබූ අතර, එය දශක හතරකට වැඩි කාලයක් පුරා සංස්කෘතික හා සහයෝගීතාවය මත පදනම් වූ සේවකයන් කේන්ද්‍ර කර ගත් වැඩබිම් පරිසරයක් ඉස්මතු කිරීම හරහා මෙම ජයග්‍රහණ ලබා ගැනීමට සමාගම සමත්ව ඇත. 

එම ගෞරව සම්මාන අතරට 2021 වසරේ සේවය කිරීමට සුදුසු හොඳම සේවා ස්ථානය ලෙස නම් කිරීම, ශ්‍රී ලංකාව තුළ සේවය කිරීමට ඇති හොඳම සේවා ස්ථාන 40න් එකක් ලෙස ලැයිස්තුගත වීම, බහුජාතික කාණ්ඩය සඳහා රන් සම්මානය ද, මධ්‍ය පරිමාණ සංවිධාන කාණ්ඩය සඳහා රිදී සම්මානය සහ DHL Express ලොව අංක එකේ හොඳම සේවා ස්ථානය ලෙස පත්වීම සඳහා DHL Express Sri Lanka හි දායකත්වය වෙනුවෙන් විශේෂ සම්මානය ද හිමි විය. වසර හතකට ආසන්න කාලයක් පුරා DHL Express Sri Lanka, සේවයට සුදුසු හොඳම සේවා ස්ථානයක් ලෙස අඛණ්ඩව සම්මානයට පාත්‍ර වී ඇත.
DHL Express ශ්‍රී ලංකාව තුළ දේශීය ශ්‍රේණිගත කිරීම්වල දී පවා එහි මවු සමාගමේ තත්ත්වය පිළිබිඹු කරයි. Fortune සඟරාව සමඟ එක්ව Great Place to Work™ (GPTW) විසින් ප්‍රකාශයට පත් කරන ලද වාර්ෂික ලැයිස්තුවට අනුව ලොව ප්‍රමුඛතම ජාත්‍යන්තර ලොජිස්ටික් සේවා සපයන්නා වන DHL Express ලොව අංක එකේ හොඳම සේවා ස්ථානය ලෙස මෑතක දී නම් කරන ලදී●

සබැඳි

Leave a Reply

Your email address will not be published.