සූරියවැවේ ගොවීන්ගෙන් ආණ්ඩුවට පැය 24 ක් – කැබිනට් යෝජනාව සම්මතයි !

Read Time:2 Minute, 54 Second

හම්බන්තොට වන අලි කළමනාකරණ රක්ෂිතය ගැසට් කිරීම ප්‍රමාද කිරීමට එරෙහිව අද (23) යළිත් ආරම්භ කිරීමට සැලසුම් කර තිබූ මාරාන්තික උපවාසය හෙට (24) දින පස්වරු 12 දක්වා කල් දමා තිබේ.
චමල්ගේ පොරොන්දුව
සූරියවැව, වල්සපුගල වැව් කණ්ඩිය මතදී පසුගිය ජනවාරි 18 දා ගොවි සංවිධාන 84 ක් ඒකාබද්ධව මීට අදාළ සත්‍යග්‍රහය ආරම්භ කරන ලදි. ඉන්පසු ජනවාරි 20 දා ගොවීන් මාරාන්තික උපවාසයක් ආරම්භ කරන ලද අතර, ජනවාරි 23 දා එය අවසාන කරන ලදි. ඒ මේ අලි කළමනාකරණ රක්ෂිතයට අදාළ වන ඉඩම්වලින් බහුතරයක් අයත් වන මහවැලි විෂය භාර කැබිනට් ඇමති චමල් රාජපක්ෂ විසින් මේ ගැටළුව මාසයක් තුළ විසදන බවට පොරොන්දුවක් ලබාදීමෙන් පසුව ය.
කැබිනට් අනුමැතිය
එහෙත් ගොවීන් සත්‍යග්‍රහය දිගටම පවත්වාගෙන ආ අතර, ඊයේ (22) දිනයේ ඔවුහු අගමැති මහින්ද රාජපක්ෂ සහ වනජීවී විෂය භාර කැබිනට් ඇමති සී.බී.රත්නායක මුණගැසී මීට අදාළ ගැසට් නිවේදනය කඩිනමින් නිකුත් කරන ලෙස බලකරන ලදි. ඉන්පසු ඊයේ පස්වරුවේ පැවති කැබිනට් මණ්ඩල රැස්වීමට සී.බී.රත්නායක ඇමතිවරයා විසින් මීට අදාළ කැබිනට් යෝජනාවක් ඉදිරිපත් කර තිබූ අතර, එය සම්මත කළ බව රජයේ ප්‍රවෘත්ති දෙපාර්තමේන්තුව නිවේදනය කළේය.
නිල දැනුම්දීමක් අවශ්‍යයි
අදාළ යෝජනාවට කැබිනට් අනුමැතිය ලැබීම නිසා යළිත් මාරාන්තික උපවාසය ආරම්භ කිරීම හෙට දිනය දක්වා කල්දමන බවත්, අදාළ ගැසට් නිවේදනය හෝ නිල දැනුම්දීමක් කිරීමට හෙට දක්වා ආණ්ඩුවට කාලය ලබාදෙන බවත් වලව ඒකාබද්ධ ගොවි සංවිධානයේ සභාපති මහින්ද සමරවික්‍රම මහතා පැවසීය.
චමල්ගේ විරෝධය
කෙසේ වෙතත් මහවැලි විෂය භාර කැබිනට් ඇමති චමල් රාජපක්ෂ මුල සිටම පවසා තිබුණේ මේ අලි කළමනාකරණ රක්ෂිතය ගැසට් කිරීමට ඉඩ නොදෙන බවත්, ආයෝජන ව්‍යාපෘති සදහා ඉඩම් ලබාගැනීම අත්‍යවශ්‍ය බවත් ය.
දින 37 ක සටනක්
දින 37 ක් තිස්සේ ගොවීන් එක්ව මේ සත්‍යග්‍රහය සහ මාරාන්තික උපවාසය පැවැත්වූ අතර, අලින් වෙනුවෙන් අලින්ට ඉඩම් වෙන්කරදෙන ලෙස ඉල්ලා මිනිසුන් විසින් මේ විරෝධතා පැවැත්වීම විශේෂත්වයකි.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Previous post නිදහස උගුලක් ද…?
Next post “ඉන්ධන මිළ ඉහළ දැමීමට රජය සූදානමක් නැහැ”